ON THE RETURN TO FINANCIAL VALUE RECIPIENT SOCIETIES OF FINANCIAL VALUES OBTAINED BY NATURAL AND LEGAL PERSONS FROM THE SALE OF PROPERTY OR PROPERTY TRANSACTIONS

Lloji: Ligj

Fletore Zyrtare: nr. 13, datë 1999-04-26

LIGJ

Nr.8472, datë 8.4.1999

PËR RIKTHIM NË SHOQËRITË HUMARRËSE TË VLERAVE FINANCIARE TË

PËRFITUARA NGA ANA E PERSONAVE FIZIKË E JURIDIKË NGA SHITJA E

PASURISË APO TRANSAKSIONEVE TË PRONËSISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Fusha e veprimit të ligjit

1.1. Ky ligj u jep të drejtën administratorëve të kryejnë veprimet për rikthimin e vlerave

financiare të përfituara në mënyrë joligjore apo në mashtrim, nga persona fizikë e juridikë, të cilët

kanë shitur pasuritë e tyre apo kanë kryer transaksione të shitblerjes së pronësisë, subjekteve të

ligjit nr.8227, datë 30.7.1997 “Për disa shtesa dhe ndryshime në ligjin nr.8215, datë 9.5.1997 “Për

kontrollin financiar të personave juridikë, jobankarë, që kanë marrë hua nga publiku i gjerë””.

1.2. Përcakton rregullin dhe procedurat që do të zbatohen nga administratorët për kthimin

nga personat fizikë e juridikë të vlerave financiare të përfituara nga shitja e pronave, mbi çmimet

e privatizimit apo çmimi mesatar përkatës i shitjes në tregun e lirë, me qëllim realizimin e vlerave

financiare për shpërndarje kreditorëve.

Neni 2

Përkufizime

Në kuptim të këtij ligji:

a) “Çmimi i privatizimit” nënkupton çmimin e blerjes së objektit nëpërmjet tenderit,