ON CERTAIN ADDITIONS TO LAW NO. 7874, DATED 17 NOVEMBER 1994, “ON THE STATUS OF VETERANS OF THE NATIONAL LIBERATION ANTI-FASCIST WAR OF THE ALBANIAN PEOPLE”, AS AMENDED BY LAW NO. 8526, DATED 23 SEPTEMBER 1999

Lloji: Ligj

Fletore Zyrtare: nr. 30, datë 2000-06-10

LIGJ

Nr. 8664, datë 18.9.2000

PËR DISA SHTESA NË LIGJIN NR.7874, DATË 17.11.1994 “PËR STATUSIN E VETERANIT TË LUFTËS ANTIFASHISTE NACIONALÇLIRIMTARE TË POPULLIT SHQIPTAR”, NDRYSHUAR ME LIGJIN NR.8526, DATË 23.9.1999

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.7874, datë 17.11.1994 “Për Statusin e Veteranit të Luftës Antifashiste Nacionalçlirimtare të popullit shqiptar”, ndryshuar me ligjin nr.8526, datë 23.9.1999, bëhen këto shtesa dhe ndryshime:

Neni 1

Në shkronjën “d” të nenit 3 shtohet paragrafi i mëposhtëm:

“Të tilla vlerësohen edhe dokumentet e lëshuara nga arkivat shtetërore të rretheve dhe të institucioneve shtetërore, në bazë të të dhënave të dosjeve personale që kanë në ruajtje.”

Neni 2

Në nenin 3 pas shkronjës “e” shtohen paragrafët e mëposhtëm:

“Kur mungojnë dokumentet e kërkuara në shkronjat “a”, “b”, “c”, “ç” dhe “d”, pjesëmarrja në Luftën Antifashiste Nacionalçlirimtare dhe qenia veteran i saj mund të vërtetohen me vendimin e Komisionit Qendror të Statusit të Veteranit të Luftës Antifashiste Nacionalçlirimtare, pranë Ministrisë së Mbrojtjes.