On Certain Amendments and Changes to Law No. 53/2019, “On the Academy of Sciences of the Republic of Albania”

Lloji: Ligj

Fletore Zyrtare: nr. 124, datë 2023-08-21

LIGJ

Nr. 69/2023

PËR DISA SHTESA DHE NDRYSHIME NË LIGJIN NR. 53/2019,

“PËR AKADEMINË E SHKENCAVE NË REPUBLIKËN E SHQIPËRISË”

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 53/2019, “Për Akademinë e Shkencave në Republikën e Shqipërisë” bëhen shtesat dhe

ndryshimet si më poshtë:

Neni 1

Në nenin 6, pika 3 riformulohet si më poshtë:

“3. Asambleja zgjedh edhe anëtarë të jashtëm ndër personat me shtetësi apo origjinë shqiptare me

banim jashtë vendit, figura të shkencës e të kulturës, si dhe anëtarë nderi ndër figurat e shkencës e të

kulturës që janë shtetas joshqiptarë me banim jashtë vendit, të cilët me punimet e tyre kanë ndikuar në

ecurinë e mendimit e të zbatimit të shkencës në Shqipëri apo në promovimin e të vërtetave dhe të

vlerave të origjinës, gjuhës e kulturës shqiptare.

Numri i anëtarëve të nderit është deri në 15. Personat me origjinë shqiptare, që janë anëtarë me të

drejta të plota të një akademie pjesëtare të “All European Academies”, fitojnë drejtpërdrejt statusin e

anëtarit të jashtëm të Akademisë së Shkencave, e cila formalizohet nga një mbledhje ceremoniale e

Asamblesë.”.

Neni 2

Neni 10 riformulohet si më poshtë:

“Anëtarët e jashtëm dhe ata të nderit kanë të drejtë të marrin pjesë në mbledhjet e Asamblesë pa të