ON RATIFICATION OF THE “ÅRHUS CONVENTION ON ACCESS TO INFORMATION, PUBLIC PARTICIPATION IN DECISION-MAKING AND ACCESS TO JUSTICE IN ENVIRONMENTAL MATTERS”

Lloji: Ligj

Fletore Zyrtare: nr. 35, datë 2000-10-11

LIGJ

Nr. 8672, datë 26.10.2000

PËR RATIFIKIMIN E “KONVENTËS SË AARHUSIT PËR TË DREJTËN E PUBLIKUT

PËR TË PASUR INFORMACION, PËR TË MARRË PJESË NË VENDIMMARRJE DHE

PËR T’IU DREJTUAR GJYKATËS PËR ÇËSHTJET E MJEDISIT”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Konventa e Aarhusit për të drejtën e publikut për të pasur informacion, për të

marrë pjesë në vendimmarrje dhe për t’iu drejtuar gjykatës për çështjet e mjedisit”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2776, datë 3.11.2000 të Presidentit të Republikës së Shqipërisë, Rexhep

Meidani

KONVENTA

PËR TË DREJTËN E PUBLIKUT PËR INFORMACION, PJESËMARRJE NË

VENDIMMARRJE DHE TË DREJTËN PËR T’IU DREJTUAR GJYKATËS, PËR ÇËSHTJE

QË LIDHEN ME MJEDISIN

Aarhus, DENMARK

25 qershor 1998

Palët në këtë Konventë,

Duke pasur parasysh parimin 1 të, Deklaratës së Stokholmit mbi Mjedisin Human Njerëzor,

Duke pasur parasysh parimin 10 të Deklaratës së Rio-s mbi Mjedisin dhe Zhvillimin,

Duke pasur parasysh më tej Rezolutat e Asamblesë së Përgjithsh me 37/7 të 28 tetor 1982 në

lidhje me Kartën Botërore për Natyrën dhe 45/94 të 14 Dhjetorit 1990, mbi nevojën e sigurimit të një

mjedisi të shëndetshëm për mirëqenien e individëve,