ON THE SERVICE OF GUARD AND PHYSICAL SECURITY

Lloji: Ligj

Fletore Zyrtare: nr. 23, datë 2001-05-18

LIGJ

Nr.8770, datë 19.4.2001

PËR SHËRBIMIN E RUAJTJES DHE TË SIGURISË FIZIKE

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Shoqëria e ruajtjes dhe e sigurisë fizike ka për mision:

a) sigurimin e objekteve publike e private në pronësi ose në përdorim të personave fizikë e

juridikë, që ushtrojnë veprimtari në Republikën e Shqipërisë;

b) sigurimin dhe mbrojtjen e jetës dhe të shëndetit të personav e fizikë, shtetas shqiptarë ose të

huaj;

c) shoqërimin e vlerave monetare e materiale ose të sendeve të çmuara gjatë transportimit të

tyre.

Neni 2

1. Shërbimi i ruajtjes dhe i sigurisë fizike kryhet nga subjekte private të organizuara në shoqëri

tregtare nga shtetas shqiptarë ose në bashkëpunim me shtetas të huaj, të licencuar për këtë qëllim, të

cilat plotësojnë kushtet e përcaktuara në legjislacionin për shoqëritë tregtare dhe në këtë ligj.

2. Shërbimi i ruajtjes dhe i sigurisë fizike kryhet nëpërmjet marrjes së masave tekniko-

administrative për mbrojtjen e jetës së personave, të objekteve publike ose private, në pronësi ose

përdorim të personave juridikë ose fizikë, shqiptarë ose të huaj, si dhe për ruajtjen e sigurimin e

vlerave monetare e materiale ose të sendeve të çmuara gjatë lëvizjeve.