On the Ratification of the Agreement between the Government of the Republic of Albania and the Government of the Russian Federation on the Settlement of the Republic of Albania’s Debt to the Russian Federation for Loans Granted Prior to

Lloji: Ligj

Fletore Zyrtare: nr. 7, datë 2002-04-05

LIGJ

Nr. 8860, datë 7.3.2002

PËR RATIFIKIMIN E MARRËVESHJES NDËRMJET QEVERISË SË REPUBLIKËS TË SHQIPËRISË DHE QEVERISË SË FEDERATËS RUSE PËR RREGULLIMIN E BORXHIT TË REPUBLIKËS SË SHQIPËRISË NDAJ FEDERATËS RUSE PËR KREDITË E DHËNA MË PARË

Në mbështetje të neneve 78, 81, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Qeverisë së Republikës të Shqipërisë dhe Qeverisë së Federatës Ruse për rregullimin e borxhit të Republikës së Shqipërisë ndaj Federatës Ruse për kreditë e dhëna më parë”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3267, datë 19.3.2002 të Presidentit të Republikës së Shqipërisë, Rexhep Meidani

MARRËVESHJE

MIDIS QEVERISË SË REPUBLIKËS TË SHQIPËRISË DHE QEVERISË SË FEDERATËS RUSE PËR RREGULLIMIN E BORXHIT TË REPUBLIKËS SË SHQIPËRISË

NDAJ FERDERATËS RUSE PËR KREDITË E DHËNA MË PARË

HYRJE

Qeveria e Republikës së Shqipërisë dhe Qeveria e Federatës Ruse, të quajtura më poshtë Palë,

në përputhje me kushtet e Memorandumit shumëpalësh mbi reduktimin dhe ristrukturimin e borxhit të Republikës së Shqipërisë (më tej quhet Memorandumi shumëpalësh), nënshkruar më 22 korrik të vitit 1998 në qytetin e Parisit nga përfaqësuesit e qeverive të shteteve kreditore pjesëmarrëse të Klubit të Parisit,