On the Ratification of the Agreement between the Republic of Albania and Montenegro on Social Insurance

Lloji: Ligj

Fletore Zyrtare: nr. 146, datë 2023-10-10

LIGJ

Nr. 70/2023

PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË

DHE MALIT TË ZI PËR SIGURIMET SHOQËRORE

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Malit të Zi për sigurimet shoqërore

sipas tekstit që i bashkëlidhet këtij ligji dhe është pjesë përbërëse e tij.

Ky ligj hyn në fuqi 15 ditë pas botimit në Fletoren Zyrtare.

Neni 2

Miratuar në datën 14.9.2023.

Shpallur me dekretin nr. 273 datë 4.10.2023, të Presidentit të Republikës së Shqipërisë,

Bajram Begaj.

MARRËVESHJE

NDËRMJET REPUBLIKËS SË SHQIPËRISË DHE MALIT TË ZI

PËR SIGURIMET SHOQËRORE

Republika e Shqipërisë dhe Mali i Zi (në vijim të referuara si “Shtetet Kontraktuese”), të cilat

dëshirojnë të rregullojnë dhe zhvillojnë marrëdhëniet e tyre në fushën e sigurimeve shoqërore, bien

dakord si më poshtë:

PJESA I

DISPOZITA TË PËRGJITHSHME

Neni 1

Përkufizime

(1) Termat dhe frazat e përdorur në këtë Marrëveshje do të kenë kuptimin e mëposhtëm:

1. “territor”:

- për sa i përket Republikës së Shqipërisë: territori shtetëror i Republikës së Shqipërisë;

- për sa i përket Malit të Zi: territori shtetëror i Malit të Zi;

2. “shtetas i një Shteti Kontraktues”:

- për sa i përket Republikës së Shqipërisë: një person me nënshtetësi të Republikës së Shqipërisë;