ON CERTAIN ADDITIONS AND AMENDMENTS TO LAW NO. 8436, DATED 28 DECEMBER 1998, “ON THE ORGANIZATION OF THE JUDICIAL POWER IN THE REPUBLIC OF ALBANIA”

Lloji: Ligj

Fletore Zyrtare: nr. 78, datë 2003-09-22

LIGJ

Nr.9111 datë 24.7.2003

PËR DISA SHTESA DHE NDRYSHIME NË LIGJIN NR.8436, DATË 28.12.1998 "PËR ORGANIZIMIN E PUSHTETIT GJYQËSOR NË REPUBLIKËN E SHQIPËRISË"

Në mbështetje të neneve 81 pika 1 dhe pika 2 shkronja "a", si dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8436, datë 28.12.1998 "Për organizimin e pushtetit gjyqësor në Republikën e Shqipërisë", bëhen këto shtesa dhe ndryshime:

Neni 1

Paragrafi i dytë i nenit 10 shfuqizohet.

Neni 2

Në nenin 28 bëhen këto shtesa:

a) Në fund të paragrafit të dytë shtohet fjalia me këtë përmbajtje:

"Në këtë rast, gjyqtari përfiton një shtesë page prej 5 për qind mbi pagën, e cila përballohet nga gjykata ku ka emërimin.".

b) Në fund të paragrafit të pestë shtohet fjalia me këtë përmbajtje:

"Në këtë rast, gjyqtari përfiton pagën përkatëse të detyrës së ngarkuar.".

Neni 3

Në nenin 39 bëhen këto shtesa dhe ndryshime:

a) Në fund të nenit 39 shtohet fjalia me këtë përmbajtje:

"Gjyqtarët, që kryejnë detyra të ngutshme në ditët e pushimit javor ose të festave zyrtare, përfitojnë shtesë page në masën 50 për qind të pagës së tyre ditore.".

b) Pas nenit 39 shtohen nenet 39/1 dhe 39/2 me këtë përmbajtje:

"Neni 39/1

Pagat në gjykatën e rrethit gjyqësor dhe në gjykatën ushtarake