On the Accession of the Republic of Albania to the European Agreement “on Main International Traffic Arteries”, Geneva, 1957

Lloji: Ligj

Fletore Zyrtare: nr. 24, datë 2004-04-29

LIGJ

Nr.9211, datë 25.3.2004

PËR ADERIMIN E REPUBLIKËS SË SHQIPËRISË NË MARRËVESHJEN EUROPIANE “PËR SHËNIMIN E RRUGËVE”, GJENEVË,1957

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Marrëveshjen Europiane “Për shënimin e rrugëve”, Gjenevë, më 13 dhjetor 1957.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4205, datë 14.4.2004 të Presidentit të Republikës së Shqipërisë, Alfred Moisiu

E/ECE/303

E/ECE/TRANS/501

KOMISIONI EKONOMIK PËR EUROPËN

KOMITETI I TRANSPORTIT TOKËSOR

MARRËVESHJA

EUROPIANE PËR SHËNIMIN E RRUGËVE, BËRË NË GJENEVË, MË 13 DHJETOR 1957

Palët Kontraktuese,

duke dëshiruar të kontribuojnë mbi sigurinë e trafikut rrugor ndërkombëtar me anë të uniformitetit të shenjave të rrugës,

kanë rënë dakord si më poshtë:

Neni 1

1. Me qëllim të kësaj Marrëveshjeje:

a) Termi “shenja të rrugës” nënkupton shenjat mbi sipërfaqen e rrugëve udhëtuese ose në pjesët e saj ndihmëse, si anësoret e rrugëve, rrugica kalimtarësh, bordurat për udhëzim dhe rregullim ose për përdoruesit e rrugës.

b) Termi: “sipërfaqe e shënuar” nënkupton shenjat e rrugëve mbi sipërfaqen e rrugëve udhëtuese.

2. Me qëllim të kësaj Marrëveshjeje, shenjat e sipërfaqes do të klasifikohen si më poshtë:

a) shenja gjatësore

b) shenja tërthore