On the Accession of the Republic of Albania to the United Nations Convention “on the Conditions for Registration of Ships”

Lloji: Ligj

Fletore Zyrtare: nr. 53, datë 2004-08-05

LIGJ

Nr.9254, datë 15.7.2004

PËR ADERIMIN E REPUBLIKËS SË SHQIPËRISË NË KONVENTËN E KOMBEVE TË BASHKUARA “PËR KUSHTET E REGJISTRIMIT TË ANIJEVE”,

(GJENEVË, 7 SHKURT 1986)

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën e Kombeve të Bashkuara “Për kushtet e regjistrimit të anijeve” (Gjenevë, 7 shkurt 1986).

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4277, datë 26.7.2004 të Presidentit të Republikës së Shqipërisë, Alfred Moisiu

KONVENTA E KOMBEVE TË BASHKUARA

MBI KUSHTET PËR REGJISTRIMIN E ANIJEVE

(Gjenevë, 7 shkurt 1986)

Shtetet Palë të kësaj Konvente,

duke ditur nevojën e nxitjes së zgjerimit të transportit detar si një i tërë,

në mbështetje të rezolutës së Asamblesë së Përgjthshme 35/56 të dhjetorit 1980, aneksi i së cilës përmban strategjinë e zhvillimit ndërkombëtar për dekadën e tretë të zhvillimit të Kombeve të Bashkuara, e cila bën thirrje inter alia, në paragrafin 128, për një rritje në pjesëmarrje nga vendet e zhvilluara për zhvillimin e transportit botëror ndërkombëtar;