ON CERTAIN AMENDMENTS AND ADDITIONS TO LAW NO. 8136, DATED 31.7.1996, “ON THE JUDICIAL CODE OF THE REPUBLIC OF ALBANIA”

Lloji: Ligj

Fletore Zyrtare: nr. 45, datë 2005-06-14

LIGJ

Nr. 9414, datë 20. 5. 2005

PËR DISA NDRYSHIME DHE SHTESA NË LIGJIN NR.8136, DATË 31.7.1996 "PËR

SHKOLLËN E MAGJISTRATURËS TË REPUBLIKËS SË SHQIPËRISË"

Në mbështetje të neneve 78 pika 1 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8136, datë 31.7.1996 "Për Shkollën e Magjistraturës të Republikës së

Shqipërisë", bëhen këto ndryshime dhe shtesa:

Neni 1

Neni 2 ndryshohet si më poshtë:

"Neni 2

Shkolla e Magjistraturës siguron formimin profesional të magjistratëve (gjyqtarë, prokurorë).

Formimi profesional përfshin programin e formimit fillestar të kandidatëve për magjistratë

dhe të formimit vazhdues të gjyqtarëve dhe prokurorëve në detyrë.

Shkolla e Magjistraturës, në përputhje me ligjin ose me kërkesë të institucioneve të

interesuara, në varësi të kapaciteteve të lira, që i krijohen nga veprimtaria për for mimin fillestar dhe

atë vazhdues të magjistratëve, si dhe të fondeve përkatëse, që i vihen në dispozicion nga institucionet

përgjegjëse apo donatorët, realizon edhe veprimtari të formimit profesional të punonjësve të

administratës gjyqësore, si dhe të profesioneve të tjera juridike, që lidhen me sistemin e drejtësisë. ".

Neni 2

Neni 3 ndryshohet si më poshtë:

"Neni 3

Shkolla e Magjistraturës ka buxhetin e vet zë të veçantë në Buxhetin e Shtetit.