On the Declaration of a Moratorium on Motorized Vessels of the Republic of Albania

Lloji: Ligj

Fletore Zyrtare: nr. 37, datë 2006-05-02

LIGJ

Nr.9509, datë 3.4.2006

PËR SHPALLJEN E MORATORIUMIT PËR MJETET MOTORIKE LUNDRUESE TË

REPUBLIKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Të gjitha lëvizjet e mjeteve motorike lundruese shqiptare në ujërat territoriale dhe të

brendshme të Republikës së Shqipërisë, si dhe transporti i mjeteve lundruese në rrugë tokësore, me

përjashtim të atyre të parashikuara në nenin 3 të këtij ligji, pezullohen.

Neni 2

Afati i zbatimit të këtij ligji është 3 vjet nga data e hyrjes në fuqi të tij.

Neni 3

Përjashtohen nga ky moratorium:

a) mjetet motorike lundruese në përdorim të organeve shtetërore dhe të shërbimeve portuale;

b) mjetet lundruese të destinuara vetëm për peshkim, sipas ligjit nr.7908, datë 5.4.1995 "Për

peshkimin dhe akuakulturën", të ndryshuar;

c) mjetet e transportit detar, që shërbejnë për transportin e mallrave;

ç) mjetet e transportit detar, të licencuara për transport pasagjerësh dhe të klasifikuara nga

Regjistri Detar Shqiptar si mjete lundruese për transport udhëtarësh.

Neni 4

Shkeljet e këtij ligji, kur nuk përbëjnë vepër penale, përbëjnë kundërvajtje administrative dhe

kundërvajtësi dënohet me gjobë në masën 800 000 - 1 000 000 lekë dhe me konfiskim të mjetit.