On the Academy of Sciences of the Republic of Albania

Lloji: Ligj

Fletore Zyrtare: nr. 146, datë 2006-12-31

LIGJ

Nr.9655, datë 11.12.2006

PËR AKADEMINË E SHKENCAVE

TË REPUBLIKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Akademia e Shkencave e Republikës së Shqipërisë (në vazhdim Akademia) është institucion

shkencor, që vepron nëpërmjet një bashkësie të zgjedhur shkencëtarësh.

Neni 2

Akademia është person juridik publik.

Akademia e ka selinë në Tiranë dhe ka stemën e vet. Statuti i saj miratohet nga asambleja.

Neni 3

Akademia është institucion autonom, i cili e mbështet veprimtarinë në të vërtetën shkencore

dhe në interesat kombëtarë. Ajo vepron sipas ligjeve në Republikën e Shqipërisë dhe statutit të saj.

KREU II

FUNKSIONET E AKADEMISË SË SHKENCAVE

Neni 4

Funksionet

Akademia ka këto funksione:

bashkëpunon me institucione kërkimore dhe mësimore, brenda dhe jashtë vendit, që kanë

kapacitetet e nevojshme fizike për kërkim, për kryerjen e studimeve në fusha të ndryshme të shkencës;

propozon fusha të reja kërkimore e studimore, në përputhje me nevojat e zhvillimit të vendit;

u ofron institucioneve të larta shtetërore këshillimin dhe ekspertizën e nevojshme në zgjidhjen

e çështjeve të rëndësishme për zhvillimin e vendit;

ç) boton organe periodike dhe vepra të tjera me nivel të lartë shkencor;