On the transfer of the right of ownership over the quantity of gold and other precious metals from the Council of Ministers of the Republic of Albania to the Bank of Albania

Lloji: Ligj

Fletore Zyrtare: nr. 10, datë 2008-02-13

LIGJ

Nr. 9862, datë 24.1.2008

PËR KALIMIN E SË DREJTËS SË PRONËSISË MBI SASINË E ARIT DHE TË METALEVE TË TJERA TË ÇMUARA NGA KËSHILLI I MINISTRAVE I REPUBLIKËS SË SHQIPËRISË BANKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Objekti

Ky ligj rregullon marrëdhëniet juridike, që lidhen me kalimin e së drejtës së pronësisë mbi arin dhe metalet e tjera të çmuara në institucionin përfitues, si dhe mënyrën e llogaritjes së vlerës së këtyre pasurive.

Neni 2

E drejta e pronësisë

E drejta e pronësisë mbi sasinë e vlerës së arit dhe të metaleve të tjera të çmuara, sipas aneksit nr.l, që i bashkëlidhet këtij ligji, kalon nga Këshilli i Ministrave në Bankën e Shqipërisë.

Neni 3

Llogaritja e vlerës së arit dhe e metaleve të tjera të çmuara

Kalimi i arit dhe i metaleve të tjera të çmuara bëhet sipas vlerës së tregut në datën e hyrjes në fuqi të këtij ligji.

Neni 4

Nxjerrja e akteve nënligjore

Ngarkohet Banka e Shqipërisë për pasqyrimin e të dhënave për sasinë e arit dhe të metaleve të tjera të çmuara, të kaluara në pronësi të saj, në pasqyrat financiare dhe bilancin e saj, në përputhje me aktet ligjore dhe nënligjore në fuqi.

Neni 5

Hyrja në fuqi

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5613, datë 11.2.2008 të Presidentit të Republikës së Shqipërisë, Bamir Topi