ON CERTAIN AMENDMENTS TO LAW NO. 9128, DATED 29.7.2003, “ON A SPECIAL FINANCIAL TREATMENT FOR PILOT AVIATORS IN RETIREMENT”

Lloji: Ligj

Fletore Zyrtare: nr. 86, datë 2009-06-12

LIGJ

Nr.10 135, datë 11.5.2009

PËR DISA NDRYSHIME NË LIGJIN NR.9128, DATË 29.7.2003 “PËR NJË TRAJTIM TË VEÇANTË FINANCIAR TË PILOTËVE FLUTURUES, NË PENSION”

Në mbështetje të neneve 78 e 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Nё ligjin nr.9128, datё 29.7.2003 “Për një trajtim të veçantë financiar të pilotëve fluturues, në pension”, bёhen kёto ndryshime:

Neni 1

Në fund të nenit 1 shtohet një paragraf me këtë përmbajtje:

“Në kategorinë e sipërpërmendur përfshihen dhe pilotët/teknikët e njësisë së transportit mjekësor me helikopter, të cilët kanë fluturuar me helikopterë.”.

Neni 2

Në fund të nenit 2 shtohet një paragraf me këtë përmbajtje:

“Me pagë referuese, për pilotët/teknikët e njësisë së transportit mjekësor me helikopter, për efekt të këtij ligji, kuptohet paga e grupit, plus pozicionin dhe shtesat për fluturime, të njehsuara me pagën referuese të funksionit organik të pilotit/teknikut të kësaj njësie, në të njëjtën detyrë me përfituesin, në çastin e lindjes së të drejtës për trajtim të veçantë financiar.”.

Neni 3

Në fund të nenit 6 shtohet një paragraf me këtë përmbajtje: