On the declaration of a moratorium on motorised watercraft of the Republic of Albania

Lloji: Ligj

Fletore Zyrtare: nr. 15, datë 2010-02-25

LIGJ

Nr.10 220, datë 4.2.2010

PËR SHPALLJEN E MORATORIUMIT PËR MJETET MOTORIKE LUNDRUESE TË

REPUBLIKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Pezullohen të gjitha lëvizjet e mjeteve motorike lundruese shqiptare në ujërat territoriale

dhe të brendshme të Republikës së Shqipërisë, pavarësisht nga funksioni i përdorimit të mjetit, si

dhe transporti i mjeteve lundruese në rrugë tokë sore, me përjashtim të atyre të parashikuara në

nenin 3 të këtij ligji.

Pezullimi përfshin edhe mjetet motorike të lundrimit turistik dhe të sporteve

ujore.

Neni 2

Afati i zbatimit të këtij ligji është 3 vjet nga data e hyrjes në fuqi të tij.

Neni 3

Përjashtohen nga ky moratorium:

a) mjetet motorike lundruese në përdorim të organeve shtetërore dhe të shërbimeve

portuale;

b) mjetet lundruese të destinuara vetëm për peshkim, sipas ligjit nr.7908, datë 5.4.1995

“Për peshkimin dhe akuakulturën”, të ndryshuar;

c) mjetet e transportit detar, që shërbejnë për transportin e mallrave;

ç) mjetet e transportit detar, të licencuara për transport pasagjerësh dhe të klasifikuara nga

Regjistri Detar Shqiptar si mjete lundruese për transport udhëtarësh;

d) motorët e ujit.

Neni 4

Shkeljet e këtij ligji, kur nuk përbëjnë vepër penale, përbëjnë kundërvajtje administrative