On the Ratification of the “Foreign Loan Agreement between the Republic of Albania and the European Bank for Reconstruction and Development (EBRD) for Financing the Regional and Local Roads Project”

Lloji: Ligj

Fletore Zyrtare: nr. 58, datë 2010-05-21

LIGJ

Nr.10 269, datë 22.4.2010

PËR RATIFIKIMIN E “MARRËVESHJES SË HUASË NDËRMJET REPUBLIKËS SË SHQIPËRISË DHE BANKËS EUROPIANE PËR RINDËRTIM DHE ZHVILLIM (BERZH) PËR FINANCIMIN E PROJEKTIT TË RRUGËVE RAJONALE DHE LOKALE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e huasë ndërmjet Republikës së Shqipërisë dhe Bankës Europiane për Rindërtim dhe Zhvillim (BERZH) për financimin e projektit të rrugëve rajonale dhe lokale”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6552, datë 12.5.2010 të Presidentit të Republikës së Shqipërisë, Bamir Topi

MARRËVESHJE HUAJE

(PROJEKTI I RRUGËVE RAJONALE DHE LOKALE)

NDËRMJET REPUBLIKËS SË SHQIPËRISË (HUAMARRËSI) DHE BANKËS EUROPIANE PËR RINDËRTIM DHE ZHVILLIM (BANKA), MARS 2010

Preambulë

Ndërsa Banka është themeluar për të dhënë financim për projekte të veçanta për të lehtësuar tranzicionin drejt ekonomive të hapura dhe të orientuara nga tregu dhe për të nxitur iniciativën private dhe sipërmarrëse në vendet e Europës Qendrore dhe Lindore që i janë përkushtuar dhe zbatojnë parimet e demokracisë pluripartiake, pluralizmit dhe ekonomisë së tregut;