ON CERTAIN AMENDMENTS AND ADDITIONS TO LAW NO. 9632, DATED 30.10.2006 “ON THE LOCAL TAX SYSTEM”, AS AMENDED

Lloji: Ligj

Fletore Zyrtare: nr. 166, datë 2010-12-15

LIGJ

Nr.10 354, datë 18.11.2010

PËR DISA NDRYSHIME DHE SHTESA NË LIGJIN NR.9632, DATË 30.10.2006 “PËR SISTEMIN E TAKSAVE VENDORE”, TË NDRYSHUAR

Në mbështetje të neneve 78, 83 pika 1, 113 pika 1 shkronja “ç”, 155 dhe 157 pika 3 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.9632, datë 30.10.2006 “Për sistemin e taksave vendore”, të ndryshuar, bëhen këto ndryshime dhe shtesa:

Neni 1

Në nenin 11 “Kategoritë e bazës dhe nivelet e taksës vendore mbi biznesin e vogël” bëhen ndryshimet dhe shtesat e mëposhtme:

a) Pika 7 ndryshohet si më poshtë:

“7. Bizneseve, objekt i këtij ligji, të cilat, në bazë të ligjit nr. 9920, datë 19.5.2008 “Për procedurat tatimore në Republikën e Shqipërisë”, të ndryshuar, dhe në bazë të vendimit nr. 781, datë 14.11.2007 të Këshillit të Ministrave, të ndryshuar, kanë detyrimin për instalimin e pajisjeve fiskale dhe kanë bërë pagesën e blerjes së pajisjes së parë fiskale deri në datën 28.2.2011 nga “Shoqëritë e autorizuara sipas kontratës përkatëse”, u rimbursohet kjo pagesë deri në shumën 44 000 (dyzet e katër mijë) lekë. TVSH-ja e pajisjes fiskale është e kreditueshme ndaj TVSH-së së llogaritur për bizneset e vogla të regjistruara në TVSH, si dhe për të gjitha bizneset e vogla që regjistrohen në TVSH deri në 6 muaj pas hyrjes në fuqi të këtij ligji.