ON POLITICAL PARTIES

Lloji: Ligj

Fletore Zyrtare: nr. 5, datë 1991-08-25

LIGJ

Nr.7502, datë 25.7.l991

PËR PARTITË POLITIKE

Ne mbështetje të neneve 6 dhe 16 të ligjit nr.7491 datë 29.4.l991 "Për dispozitat kryesore

kushtetuese ".

KUVENDI POPULLOR

I REPUBLIKËS SË SHQIPËRISË

VENDOSI

KREU I

DISPOZITA TË PËRGJITHSHME

Neni 1

Partitë politike janë bashkime vullnetare të shtetasve mbi bazën e ideve, të bindjeve e të

pikëpamjeve politike të përbashkëta, që synojne të ndikojnë në jetën e vendit nëpërmjet pjesëmarrjes

në zgjedhjet dhe përfaqesimit të popullit në organet e zgjedhura të pushtetit.

Neni 2

Partitë politike marrin pjesë në formimin e vullnetit politik të popullit në të gjitha fushat e

jetës publike e kryesisht :

a) nëpërmjet ndikimit në krijimin e opinionit publik dhe të edukatës politike;

b) nëpërmjet nxitjes së pjesëmarrjes aktive të shtetasve në jetën politike dhe evidentimit e

aftësimit të njerëzve për të marrë përsipër përgjegjësi publike;

c) nëpërmjet pjesëmarrjes në zgjedhjet kombëtare e lokale.

Neni 3

Partitë politike janë pjesë integrale kushtetuese të një sistemi të lirë e demokratik qeverimi.

Veprimtaria e tyre është e lirë dhe e grantuar me ligjin " Për dispoztat kryesore kushtetuese".

Neni 4

Partitë politike përdorin vetëm mjete dhe metoda demokratike për arritjen e qëllimeve të tyre.

Neni 5

Veprimtaria e partive mund të shtrihet në të gjithë territorin e Republikës së Shqipërisë ose në

disa rrethe.

Neni 6