ON THE BAR IN THE REPUBLIC OF ALBANIA

Lloji: Ligj

Fletore Zyrtare: nr. 10, datë 1992-01-12

LIGJ

Nr.7541, datë 18.12.1991

PËR AVOKATINË NË REPUBLIKËN E SHQIPËRISË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Avokatia në Republikën e Shqipërisë ka për detyrë t'u japë ndihmë juridike shtetasve shqiptarë

e të huaj, personave juridikë shqiptarë e të huaj, organeve, institucioneve shtetërore dhe organizat ave

shoqërore.

Neni 2

Ndihma juridike jepet:

a) me këshillime për çështje ligjore;

b) me përgatitje të kërkesëpadive ose të kërkesave për ndjekje penale;

c) me përgatjtje të kërkesave ankimore kundër vendimeve gjyqësore, të hetuesisë, të

arbirtrazhit, të organeve të administratës shtetërore etj.;

ç) me përgatitje të ankesave e të kërkesave të shtetasve;

d) me përpilimin e akteve që vërtetohen nga noteri;

dh) me pjesëmarrjen si mbrojtës në hetuesi dhe në gjykimin e çështjeve penale;

e) me përfaqësimin e pjesëmarrësve në proces në gjykimin e çështjeve civile, në arbitrazh dhe

në organet e tjera shtetërore, për çështje civile e administrative;

ë) në raste të tjera të parashikuara në ligj.

Neni 3

Për të mbikëqyrur veprimtarinë e avokatisë, krijohet Këshilli Mbikëqyrës i përbërë prej