ON CERTAIN AMENDMENTS AND COMPLEMENTS TO LAW NO. 7491, DATED 29.4.1991 “ON THE MAIN CONSTITUTIONAL PROVISIONS”

Lloji: Ligj

Fletore Zyrtare: nr. 2, datë 1992-06-20

LIGJ

Nr.7558, datë 9.4.1992

PËR DISA NDRYSHIME E PLOTËSIME NË LIGJIN NR.7491, DATË 29.4.1991 “PËR

DISPOZITAT KRYESORE KUSHTETUESE”

Në mbështetje të neneve 16 dhe 28 pika 4 dhe 30 të ligjit “Për dispozitat kryesore

kushtetuese”;

Me propozimin e grupit prej një të katërtës së deputetëve

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në nenin 17 të shtohet një paragraf me këtë përmbajtje:

“Veprimtaria e Kuvendit Popullor merr fund ditën e mbledhjes së parë të Kuvendit të ri”.

Neni 2

Në nenin 25, bëhen këto ndryshime:

Paragrafi i parë ndryshohet si vijon:

“Presidenti i Republikës zgjidhet nga Kuvendi Popullor për pesë vjet, pa debat, me votim

të fshehtë dhe me një shumicë prej dy të tretash të votave të të gjithë deputetëve. Në rast se në

votimin e parë nuk sigurohet shumica e kërkuar, bëhet botimi i dytë në të cilin Presidenti zgjidhet

me shumicën absolute të votave të të gjithë deputetëve”.

Paragrafi i dytë ndryshohet si vijon:

“Kandidati për President propozohet nga një grup deputetësh prej jo më pak se 20

vetësh”.

Pas paragrafit të dytë, shtohet një paragraf me këtë përmbajtje:

“Një deputet nuk lejohet të marrë pjesë në më shumë se në një grup deputetësh që

propozojnë kandidatin për President”.

Neni 3

Në nenin 26, paragrafi i fundit ndryshohet si vijon:

“Funksioni i Presidentit të Republikës është i papajtueshëm me çdo funksion tjetër