ON CERTAIN AMENDMENTS AND COMPLEMENTS TO LAW NO. 7491, DATED 29.4.1991 “ON THE MAIN CONSTITUTIONAL PROVISIONS”

Lloji: Ligj

Fletore Zyrtare: nr. 2, datë 1992-06-20

LIGJ

Nr.7561, datë 29.4.1992

PËR DISA NDRYSHIME E PLOTËSIME NË LIGJIN NR.7491, DATË 29.4.1991 “PËR

DISPOZITAT KRYESORE KUSHTETUESE”

Në mbështetje të neneve 16 dhe 43 të ligjit “Për dispozitat kryesore kushtetuese”,

KUVENDI POPULLOR

I REPUBLIKËS SË SHQIPËRISË

VENDOSI:

Në ligjin nr.7491, datë 29.4.1991 “Për dispozitat kryesore kushtetuese” të Kuvendit Popullor,

pas kreut III të shtohet një kre më vete, si dhe të bëhen disa ndryshime e plotësime si vijon:

ORGANIZIMI I DREJTËSISË DHE GJYKATA KUSHTETUESE

I. SISTEMI GJYQËSOR

Neni 1

Pushteti gjyqësor është i ndarë dhe i pavarur nga pushtetet e tjera. Ai ushtrohet vetëm nga

organet e njohura nga ligji “Për dispozitat kryesore kushtetuese”.

Neni 2

Gjykata është autoriteti që zgjidh çështjet dhe mosmarrëveshjet që lidhen me zbatimin e ligjit

“Për dispozitat kryesore kushtetuese” dhe të ligjeve nëpërmjet caktimit të dënimeve penale, të

dëmshpërblimeve civile, të njohjes të të drejtave dhe detyrimeve të palëve, si edhe urdhërimit të

masave për mbrojtjen dhe vendosjen e tyre, pas një procesi të drejtë, të barabartë dhe të rregullt ligjor

në pajtim me standardet ndërkombëtare.

Neni 3

Drejtësia jepet në emër të popullit.

Rastet dhe mënyra e pjesëmarrjes së popullit në dhënien e drejtësisë përcaktohen me ligj.

Neni 4

Drejtësia u përmbahet parimeve të ligjshmërisë dhe të barazisë së personave para ligjit mbi