ON THE OFFICIAL REGISTER AND FORMALITIES TO BE OBSERVED BY COMMERCIAL COMPANIES

Lloji: Ligj

Fletore Zyrtare: nr. 1, datë 1993-02-28

1

LIGJ

Nr.7667, datë 28.1.1993

PËR REGJISTRIN ZYRTAR DHE FORMALITETET QË DUHEN

RESPEKTUAR NGA SHOQËRITË TREGTARE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

REGJISTRI TREGTAR

DISPOZITA TË PËRGJITHSHME

Neni 1

Mbajtja e regjistrit nga gjykata

Regjistri tregtar mbahet nga Gjykata e Rrethit të Tiranës për gjithë territorin e Republikës së

Shqipërisë.

Neni 2

Kompetencat e gjyqtarit

Gjyqtari ka të gjitha kompetencat për kryerjen e akteve të gjykatës që kanë të bëjnë me

regjistrin tregtar, me përjashtim të atyre që ky ligj ose dispozita të tjera ligjore ia japin sektorit të

gjyqit.

Neni 3

Përjashtimi i një gjyqtari

Një gjyqtar përjashtohet nga ushtrimi i detyrës së tij:

a) nëse ai vetë është njëra nga palët në një çështje tregtare, ose është në marrëdhënie si

bashkëpronar apo bashkëdebitor me njërën prej palëve;

b) në çështjet tregtare të bashkëshortes së tij, madje edhe kur martesa është zgjidhur;

c) në çështjet tregtare të një personi, me të cilin ai është farefis ose krushqi e afërt;

ç) në çështjet tregtare ku ai është emëruar si përfaqësues i njërës prej palëve, ose ku ai ka të

drejtën ligjore të paraqitet si përfaqësues i një pale të tillë.

Neni 4

Akti i një gjyqtari të përjashtuar ose jokompetent