“ON THE APPROVAL, WITH AMENDMENTS, OF DECREE NO. 1074, DATED 21.4.1995 “ON THE DISSOLUTION OF THE FINANCIAL POLICE AND THE CREATION OF THE CUSTOMS POLICE AND THE TAX POLICE””

Lloji: Ligj

Fletore Zyrtare: nr. 12, datë 1995-06-16

LIGJ

Nr.7938 datë, 24.5.1995

“PËR MIRATIMIN ME NDRYSHIME TË DEKRETIT NR.1074, DATË 21.4.1995 “PËR

SHPËRBËRJEN E POLICISË FINANCIARE DHE KRIJIMIN E POLICISË DOGANORE

DHE POLICISË TATIMORE”

Në mbështetje të nenit 16 dhe 28, të ligjit nr.7491 “Për dispozitat kryesore kushtetuese”

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Miratohet dekreti nr.1074, datë 21.4.1995 “Për shpërbërjen e Policisë Financiare dhe krijimin

e Policisë Doganore dhe Policisë Tatimore” me ndryshimet si më poshtë:

Në nenin 2, paragrafi i dytë formulohet:

“Organet e Policisë Doganore varen nga Drejtori i Përgjithshëm i Doganave. Drejtuesi i saj

emërohet dhe shkarkohet nga ministri i Financave”

Në nenin 3, paragrafi i dytë, të formulohet:

“Organet e Policisë Tat imore varen nga Drejtori i Tatimeve në Ministrinë e Financave.

Drejtuesi i saj emërohet dhe shkarkohet nga ministri i Financave”

Neni 4, formulohet: “Struktura organizative e Policisë Doganore përbëhet nga oficerë dhe

nënoficerë në vartësi të drejtorit të përgjithshëm të Doganave”

Në nenin 5, pas pikës 5, shtohet pika 5/1 me këtë përmbajtje:

“Siguron mbrojtjen e punonjësve të organeve tatimore gjatë kryerjes së detyrës së tyre”

Neni 8, formulohet:

“Struktura organizative e Policisë Tatimore përbëhet nga oficerë dhe nënoficerë në vartësi të

drejtorit të tatimeve në Ministrinë e Financave”.