On the Approval of the National Security Strategy of the Republic of Albania

Lloji: Ligj

Fletore Zyrtare: nr. 40, datë 2024-03-04

LIGJ

Nr. 14/2024

PËR MIRATIMIN E STRATEGJISË SË SIGURISË KOMBËTARE

TË REPUBLIKËS SË SHQIPËRISË

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet Strategjia e Sigurisë Kombëtare e Republikës së Shqipërisë, sipas tekstit që i bashkëlidhet

këtij ligji dhe është pjesë përbërëse e tij.

Neni 2

Ligji nr. 103/2014, “Për miratimin e Strategjisë së Sigurisë Kombëtare të Republikës së Shqipërisë”,

shfuqizohet.

Neni 3

Ngarkohet Këshilli i Ministrave për miratimin e akteve nënligjore të propozuara nga institucionet

përgjegjëse për zbatimin e kësaj strategjie.

Ky ligj hyn në fuqi 15 ditë pas botimit në Fletoren Zyrtare.

Neni 4

Miratuar në datën 8.2.2024.

Shpallur me dekretin nr. 86, datë 26.2.2024, të Presidentit të Republikës së Shqipërisë, Bajram

Begaj.

STRATEGJIA E SIGURISË KOMBËTARE

E REPUBLIKËS SË SHQIPËRISË

1. HYRJE

Strategjia e Sigurisë Kombëtare për periudhën e parashikuar 2023–2028, në vijim të Strategjisë së

mëparshme të vitit 2014, synon të pasqyrojë në mënyrë sa më gjithëpërfshirëse sfidat dhe kërcënimet

kryesore për sigurinë kombëtare të vendit tonë, si dhe të përfshijë përgjigjet institucionale ndaj tyre në

harkun kohor 2023–2028.

Që prej vitit 2014 jemi ndeshur me një përkeqësim të dukshëm të sigurisë ndërkombëtare dhe të