On the Ratification of the Agreement concerning the Central European University Study Exchange Programme “CEEPUS IV”

Lloji: Ligj

Fletore Zyrtare: nr. 46, datë 2024-03-13

LIGJ

Nr. 19/2024

PËR RATIFIKIMIN E MARRËVESHJES NË LIDHJE ME PROGRAMIN

E SHKËMBIMIT TË STUDIMEVE UNIVERSITARE NË EVROPËN QENDRORE

“CEEPUS IV”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja në lidhje me programin e shkëmbimit të studimeve universitare në Evropën

Qendrore “CEEPUS IV”, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 22.2.2024.

Shpallur me dekretin nr. 98, datë 5.3.2024, të Presidentit të Republikës së Shqipërisë, Bajram

Begaj.

MARRËVESHJE

NË LIDHJE ME PROGRAMIN E SHKËMBIMIT TË EVROPËS QENDRORE PËR

STUDIMET UNIVERSITARE (“CEEPUS IV”)

Palët kontraktuese të CEEPUS-it ndajnë vizionin e mëposhtëm:

- ndjekjen e së vërtetës, rolin thelbësor të shkencës në krijimin e qytetërimit dhe transmetimin e

njohurive nga brezi në brez si një veprimtari tejet e nderuar njerëzore;

- shkëmbimin akademik rajonal si një instrument të rëndësishëm për të sfiduar stereotipat e ndërsjellë,

- bashkëpunimin akademik afatgjatë nëpërmjet rrjeteve universitare me tematikë specifike të një cilësie

të lartë, duke ofruar kuadrin e duhur për lëvizshmërinë e studentëve, studentëve të doktoratës, kërkuesve,

mësuesve akademikë dhe personelit universitar;