ON THE REGULATORY FRAMEWORK FOR THE WATER SUPPLY AND WASTEWATER COLLECTION AND TREATMENT SECTOR

Lloji: Ligj

Fletore Zyrtare: nr. 14, datë 1996-05-09

LIGJ

Nr.8102, datë 28.3.1996

PËR KUADRIN RREGULLATOR TË SEKTORIT TË FURNIZIMIT ME UJË DHE TË

LARGIMIT DHE PËRPUNIMIT TË UJËRAVE TË NDOTURA

Në mbështetje të nenit 16 të lig jit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

TË PËRGJITHSHME

Neni 1

Qëllimi i këtij ligji

Qëllimi i këtij ligji është vendosja e një kuadri rregullator dhe ngritja e një Enti Rregullator të

Pavarur për furnizimin me ujë dhe largimin e përpunimin e ujëra ve të ndotura. Në këtë ligj

përcaktohen funksionet, kompetencat, procedurat dhe standardet nën të cilat ky Ent Regullator do të

operojë.

Një objektiv i rëndësishëm i këtij ligji është garantimi dhe mbrojtja e interesave publike nga

njëra anë dhe krijimi i një mjedisi transparent ligjor dhe rregullator që do të nxisë investimet private në

këtë sektor.

Neni 2

Përkufizime

1) Ligj është ligji për kuadrin rregullator të sektorit të furn izimit me ujë dhe largimit e

përpunimit të ujërave të ndotura (ujësjellës, kanalizime).

2) Ent Rregullator është institucioni i rregullimit të sektorit të furnizimit me ujë, të largimit

dhe përpunimit të ujërave të ndotura.

3) Komisioni do të kuptohet si Komisioni Kombëtar i Rregullimit që udhëheq Entin

Rregullator.

4) Ministri është Ministria e Ndërtimit dhe Turizmit.