On Certain Additions to Law No. 15/2017, “On Education and Vocational Training in the Republic of Albania”

Lloji: Ligj

Fletore Zyrtare: nr. 67, datë 2024-04-18

LIGJ

Nr. 32/2024

PËR DISA SHTESA NË LIGJIN NR. 15/2017, “PËR ARSIMIN DHE FORMIMIN

PROFESIONAL NË REPUBLIKËN E SHQIPËRISË”

Në mbështetje të neneve 78 dhe 83, pika 1, të Kushtetutës, me propozim të një deputeti,

KUVENDI

I REPUBLIKËS SË SHQIPËRISË,

VENDOSI

Në ligjin nr. 15/2017 “Për arsimin dhe formimin profesional në Republikën e Shqipërisë”, bëhen

shtesat si më poshtë:

Pas nenit 12, “Ofruesit e AFP-së”, shtohet neni 12/1 me këtë përmbajtje:

Neni 1

Neni 12/1

Programet e përbashkëta të studimit

1. Ministria përgjegjëse për AFP-në ose institucionet publike ofruese të AFP-së/Agjencia Kombëtare

e Punësimit dhe Aftësive, me qëllim rritjen e cilësisë dhe standardeve, të kualifikimeve profesionale, kanë

të drejtë të lidhin marrëveshje me institucione arsimore të huaja të njohura ndërkombëtare ose organizma

ndërkombëtarë për lëshimin e diplomave/certifikatave të përbashkëta ose të dyfishta nga institucionet

pjesëmarrëse.

2. Shpenzimet e mundshme për zbatimin e këtyre marrëveshjeve, sipas rastit, përballohen nga fondet

buxhetore të miratuara për institucionet publike ofruese të AFP-së/Agjencia Kombëtare e Punësimit

dhe Aftësive ose burime të tjera të ligjshme, të rregulluara me udhëzim të ministrit përgjegjës për AFP-

në.

3. Efektet financiare për angazhimet në marrëveshje, kur mbulohen nga institucioni publik ofrues i

AFP-së/Agjencia Kombëtare e Punësimit dhe Aftësive, sipas parashikimeve të marrëveshjes, në rastet