ON CERTAIN AMENDMENTS TO LAW NO. 8038, DATED 23.11.1995, “ON TELECOMMUNICATIONS IN THE REPUBLIC OF ALBANIA”

Lloji: Ligj

Fletore Zyrtare: nr. 6, datë 1998-03-09

LIGJ

Nr.8287, datë 18.2.1998

PËR DISA NDRYSHIME NË LIGJIN NR.8038, DATË 23.11.1995 “PËR

TELEKOMUNIKACIONET NË REPUBLIKËN E SHQIPËRISË”

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.8038, datë 23.11.1995, neni 2.1 ndryshohet si vijon:

“Shteti përcakton politikën e zhvillimit të telekomunikacioneve në Republikën e Shqipërisë

nëpërmjet ministrit përkatës, në vartësi të të cilit është Drejtoria e Përgjithshme e Postave dhe

Telekomunikacioneve (DPPT) dhe rregullon sektorin e telekomunikacioneve nëpërmjet Entit

Rregullator të Telekomunikacioneve (ERT). Statusi, detyra, të drejtat dhe struktura e ERT përcaktohen

me ligj.”

Neni 2

Neni 2.2 ndryshohet si vijon:

“Detyrat kryesore të DPPT janë:

1. Të nxitë zhvillimin e industrisë kombëtare të telekomunikacioneve.

2. Të stimulojë zhvillimin dhe investimet në sektorin e postave dhe të telekomunikacioneve.

3. Të bashkërendojë planet e zhvillimit të rrjeteve të telekomunikacioneve për nevojat e

institucioneve shtetërore, si të Ministrisë së Mbrojtjes, Ministrisë së Brendshme etj.

4. Të mbledhë e të përpunojë të dhëna statistikore nga gjithë operatorët publikë të postave dhe

të telekomunikacioneve të vendit.

5. Të bashkërendojë shërbimet kombëtare të radiondërlidhjes bregdetare.