ON THE BORDER POLICE

Lloji: Ligj

Fletore Zyrtare: nr. 13, datë 1998-06-04

LIGJ

Nr.8342, datë 6.5.1998

PËR POLICINË KUFITARE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Policia kufitare është organ i specializuar i armatosur në përbërje të Drejtorisë së Përgjithshme

të Policisë së Ministrisë të Rendit Publik. Ajo ushtron veprimtari në gjithë gjatësinë e kufirit

shtetëror, në vendkal imet kufitare, në vijën bregdetare, në ujërat territoriale, si dhe në thellësi të

territorit të Republikës së Shqipërisë.

Neni 2

Policia kufitare ka për detyrë mbajtjen nën kontroll të kufirit, duke garantuar respektimin e

normave të gjithëpranuara të së drejtës ndërkombëtare, të konventave, marrëveshjeve e protokolleve

dy a shumëpalëshe për kufirin shtetëror, të nënshkruara nga shteti shqiptar, si dhe të ligjeve të

migracionit e të policisë që rregullojnë kalimin e personave, mjeteve të transportit tokësor, ujor e ajror

nëpërmjet vendkalimeve kufitare.

Neni 3

Policia kufitare bashkëvepron me organet e tjera shtetërore për zbulimin dhe zbatimin e

masave ndaj veprimeve të kundërligjshme nëpërmjet kufirit shtetëror të Republikës së Shqipërisë.

Neni 4

Gjatë ushtrimit të detyrës policia kufitare zbaton me përpik mëri dispozitat kushtetuese,