ON THE ESTABLISHMENT OF THE COURT BUDGET ADMINISTRATION OFFICE

Lloji: Ligj

Fletore Zyrtare: nr. 16, datë 1998-07-22

LIGJ

Nr.8363, datë 1.7.1998

PËR KRIJIMIN E ZYRËS SË ADMINISTRIMIT TË BUXHETIT GJYQËSOR

Në mbështetje të nenit 16 të ligjit nr.7491, datë 29.4.1991 " Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Për administrimin e buxhetit të gjykatave krijohet Zyra e Administrimit të Buxhetit Gjyqësor,

e cila më poshtë do të quhet "Zyra".

Zyra është person juridik më vete, në varësi të gjykatave.

Shpenzimet e veprimtarisë së kësaj zyre përballohen nga buxheti i gjykatave.

Neni 2

Hartimi dhe zbatimi i buxhetit të gjykatave u nënshtrohet rregullave dhe procedurave ligjore

për hartimin dhe zbatimin e Buxhetit të Shtetit në Republiken e Shqipërisë. Zyra administron fondet

buxhetore të destinuara për gjykatat, duke siguruar zbatimin në parim të pavarësisë së tij nga pushtetet

e tjera.

Neni 3

Zyra ka këto kompetenca kryesore:

a) Studion dhe përcakton nevojat për buxhet të të gjitha hallkave të gjykatave në bashkëpunim

me sektorët financiare të gjykatave të të gjitha niveleve.

b) Përpunon treguesit financiare që kanë lidhje me kërkesat dhe veprimtarinë e gjykatave.

c) Kontrollon përdorimin e fondeve që u janë dhënë gjykatave sipas destinacioneve.

Neni 4

Fondet buxhetore në dispozicion të Zyrës përbëhen nga: