ON THE ALBANIAN GEOLOGICAL SERVICE (AGS)

Lloji: Ligj

Fletore Zyrtare: nr. 16, datë 1998-07-22

1

LIGJ

Nr.8366, datë 2.7.1998

PËR SHËRBIMIN GJEOLOGJIK SHQIPTAR (SHGJSH)

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi i ligjit

Ky ligj ka për qëllim të përcaktojë detyrat, bazat, parimet e organizimit e të drejtimit të

Shërbimit Gjeologjik Shqiptar (SHGJSH) me përjashtim të Shërbimit Gjeologjik të Naftës e

Gazit.

Neni 2

Përkufizime

Në kuptim të këtij ligji:

1, "Shtet" - kuptohet Republika e Shqipërisë.

2. "Qeveri" - kuptohet Këshilli i Ministrave i Republikës së Shqipërisë.

3. "Ministri"- kuptohet ministria që mbulon veprimtarinë e Shërbimit Gjeologjik

Shqiptar.

4. "Ministër"- kuptohet ministri i ministrisë që mbulon veprimtarinë.

5. "Person"- kuptohet një person flzik a juridik.

6. "Mineral"- kuptohet çdo substancë në gjendje të ngurtë, të lëngët e të gaztë që ndodhet

në trajtë natyrore mbi ose nën tokë, në ose nën ujë dhe në shkëmb, formuar prej proceseve

gjeologjike.

7. "Mineral i dobishëm" - kuptohet përcaktimi i dhënë në pikën 6, duke shtuar se plotëson

kushtet gjeologjike, minerare, teknologjike për përdorimin me efektshmëri në degë të ndryshme

të ekonomisë.

8. "Rezerva ujore" - kuptohen të gjitha ujërat e brendshme sipërfaqësore e nëntokësore, së