ON THE ORGANIZATION AND FUNCTIONING OF THE CONSTITUTIONAL COURT OF THE REPUBLIC OF ALBANIA

Lloji: Ligj

Fletore Zyrtare: nr. 18, datë 1998-08-07

LIGJ

Nr.8373, datë 15.7.1998

PËR ORGANIZIMIN DHE FUNKSIONIMIN E GJYKATËS KUSHTETUESE TË

REPUBLIKËS SË SHQIPËRISË

Në mbështetje të nenit 16 të ligjit nr. 7491, datë 19.4.1991 "Për dispozitat kryesore

kushtetuese" dhe të nenit 28 të ligjit nr. 7561, datë 29.4.1992 "Për disa ndryshime e plotësime në ligjin

nr.7491, datë 29.4.1991 " Për di spozitat kryesore kushtetuese " ", me propozimin e një grupi

deputetësh,

KUVENDI POPULLOR

I REPUBLIKËS SË SHQIPËRISË

VENDOSI:

I. DISPOZITA TË PËRGJITHSHME

Neni 1

Gjykata Kushtetuese është autoriteti më i lartë që mbron dhe garanton respektimin e

Kushtetutës dhe të ligjeve, si dhe bën interpretimin përfundimtar të Kushtetutës.

Neni 2

Gjykata Kushtetuese është e pavarur nga çdo organ tjetër në ushtrimin e funksioneve, në

organizimin e saj, si dhe në marrëdhëniet financiare.

Është i ndaluar çdo veprim që cenon pavar ësinë e Gjykatës Kushtetuese në ushtrimin e

funksioneve të saj, në marrëdhëniet financiare, si dhe në ato në lidhje me informacionin e kuadrin.

Neni 3

Vendi i ndodhjes së Gjykatës Kushtetuese është kryeqyteti i Republikës së Shqipërisë, Tirana.

Neni 4

Gjykata Kushtetuese harton buxhetin e saj, i cili si pjesë e buxhetit të shtetit, duhet t'i paraqitet

Kuvendit Popullor për miratim.

II. PËRBËRJA E GJYKATËS KUSHTETUESE

DHE STATUSI I ANËTARËVE TË SAJ

Neni 5