ON THE PREPARATION AND IMPLEMENTATION OF THE STATE BUDGET OF THE REPUBLIC OF ALBANIA

Lloji: Ligj

Fletore Zyrtare: nr. 20, datë 1998-08-18

LIGJ

Nr.8379, datë 29.7.1998

PËR HARTIMIN DHE ZBATIMIN E BUXHETIT TË SHTET TË REPUBLIKËS SË

SHQIPËRISË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

PËRKUFIZIME TË PËRGJITHSHME

Neni 1

Ky ligj përcakton parimet që do të udhëheqin përgatitjen, propozimin dhe miratimin e buxhetit

të shtetit dhe përgjegjësitë për realizimin e tij.

Neni 2

2.1. "Buxheti i shtetit" është programi financiar vjetor i cili përbëhet nga fondet e miratuara

me ligj nga Kuvendi Popullor, në të cilin përfshihen të gjitha të ardhurat, huat dhe hyrjet e tjera, si dhe

shpenzimet përkatëse për ushtrimin e veprimtarive dhe kompetencav e të organeve të larta të pushtetit

shtetëror, të administratës shtetërore, të organeve të pushtetit lokal dhe të pushtetit gjyqësor.

Buxheti i shtetit është instrument financiar kryesor për zbatimin e politikave ekonomike dhe

sociale të shtetit.

2.2 "Buxheti i pushtetit lokal" është programi kryesor financiar vjetor i pushtetit lokal në të

cilën përfshihen të gjitha të ardhurat dhe shpenzimet të përcaktuara me ligj për kryerjen e funksioneve

që kanë organet e pushtetit lokal në territorin ku ato veprojnë . Buxheti lokal përbëhet nga pjesa e

buxhetit të pavarur dhe pjesa që financohet nga buxheti i shtetit.