ON CERTAIN AMENDMENTS AND ADDITIONS TO LAW NO. 7943, DATED 1.6.1995 “ON SUPPLEMENTARY PENSIONS AND PRIVATE PENSION INSTITUTES”

Lloji: Ligj

Fletore Zyrtare: nr. 22, datë 1998-10-05

LIGJ

Nr.8393, datë 2.9.1998

PËR DISA SHTESA DHE NDRYSHIME NË LIGJIN NR.7943, DATË 1.6.1995 "PËR

PENSIONET SUPLEMENTARE DHE INSTITUTET PRIVATE TË PENSIONEVE"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Në ligjin nr.7943, datë 1.6.1995 "Për pensionet suplementare dhe institutet private të

pensioneve" bëhen këto shtesa e ndryshime:

Neni 1

Në nenin 1, pika 4 riformulohet si vijon:

"Me termin "Ministri" kuptohet Ministria e Punës dhe e Çështjeve Sociale."

Neni 2

Neni 4 ndryshohet si vijon:

"1. Institutet e pensioneve mund të krijohen:

a) nga punëdhënësit, për të punësuarit e punëdhënësit, të cilët e themelojnë ose i bashkëngjiten

atij;

b) nga një institucion financiar privat, i cili vepron për të gjithë personat fizikë me qëndrim të

përhershëm në Shqipëri, duke përfshirë këtu dhe të punësuarit e punëdhënësve, që lidhin një kontratë

me këtë institucion.

2. Instituti i pensioneve mund të jetë:

a) i mbyllur, vetëm për të punësuarit e punëdhënësve ose punëdhënësit, të cilët themelojnë

institutin e pensioneve, ose i bashkëngjiten atij apo lidhin një kontratë me të;

b) i hapur, që pranon edhe persona të tjerë, sipas kushteve të përcaktura në rregulloren e

pensioneve."

Neni 3

Në nenin 5, pika 1 ndryshohet si vijon: