ON THE PROTECTION OF THE TOPOGRAPHY OF INTEGRATED CIRCUITS

Lloji: Ligj

Fletore Zyrtare: nr. 18, datë 1999-07-18

LIGJ

Nr.8488, datë 13.5.1999

PËR MBROJTJEN E TOPOGRAFISË SË QARQEVE TË INTEGRUARA

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOSI:

I. DISPOZITA KRYESORE

Neni 1

Ky ligj rregullon mbrojtjen e topografisë së qarqeve të integruara.

Neni 2

Në këtë ligj, përsa nuk thuhet ndryshe në përmbajtje:

a) “një qark i integruar” është forma finale ose e ndërmjetme e një produkti i cili realizon

ekzekutimin e një funksioni elektronik, ku të paktën njëri prej elementeve është aktiv dhe njëri

ose të gjithë elementet ndërmjetës janë vendosur integralisht në pjesë materiali ose prej pjese

materiali, pra në pjesën e brendshme ose të jashtme të materialit;

b) “topografia e qarkut të integruar” (më poshtë: topografi) është një vendosje

tridimensionale e çfarëdoshme, e shprehur prej elementesh, ku të paktën njëri është aktiv dhe

ndërmjetësohet në qarqet e integruara, apo ato vendosje tridimensionale të përgatitura për

prodhimin e një qarku të integruar;

c) “shfrytëzimi tregtar” i topografive nënkupton prodhim, shitje, qiradhënie ose ndonjë

metodë tjetër të përhapjes tregtare, e lidhur drejtpërdrejt me një topografi apo qark të integruar,

prodhuar në bazë të topografisë respektive.

II. SUBJEKTET E MBROJTJES

Neni 3

E drejta e mbrojtjes së një topografie garantohet për të gjithë krijuesit.