ON CERTAIN CHANGES TO LAW NO. 8097, DATED 21.3.1996, “ON SUPPLEMENTARY STATE PENSIONS FOR PERSONS HOLDING CONSTITUTIONAL FUNCTIONS AND STATE EMPLOYEES”

Lloji: Ligj

Fletore Zyrtare: nr. 22, datë 1999-07-26

LIGJ

Nr.8500, datë 10.6.1999

PËR DISA NDRYSHIME NË LIGJIN NR.8097, DATË 21.3.1996 “PËR PENSIONET

SHTETËRORE SUPLEMENTARE TË PERSONAVE QË KRYEJNË FUNKSIONE

KUSHTETUESE DHE TË PUNONJËSVE TË SHTETIT”

Në mbështetje të neneve 78 e 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOS I:

Neni 1

Në nenin 1 të ligjit nr.8097, datë 21.3.1996 “Për pensionet shtetërore suplementare të

personave që kryejnë funksione kushtetuese dhe të punonjësve të shtetit”, pikat 8 dhe 9

riformulohen si vijon:

“8. Në termin “Grupi i parë” do të përfshihen:

a) Presidenti i Republikës, Kryetari i Kuvendit, Kryetari i Këshillit të Ministrave,

Zëvendëskryetari i Këshillit të Ministrave, ministrat, Zëvendëskryetari i Kuvendit dhe të barazuar

me ligj me ta, Kryetari i Gjykatës Kushtetuese, Kryetari i Gjykatës së Lartë, Prokurori i

Përgjithshëm dhe Kryetari i Kontrollit të Lartë të Shtetit.

b) Deputetët e Kuvendit, anëtarët e Komisionit Qendror të Zgjedhjeve, anëtarët e

Gjykatës Kushtetuese dhe të Gjykatës së Lartë, si dhe Avokati i Popullit.”

“9. Në termin “Grupi i dytë” do të përfshihen:

a) Sekretarët e Shtetit, zëvendësministrat, zëvendësprokurorët e Përgjithshëm, si dhe

personat e tjerë të barazuar me ta, sekretarët e përgjithshëm dhe funksionarët politikë pranë

Presidentit, Kuvendit, Këshillit të Ministrave, ministrive, institucioneve qendrore, prefekturave,