ON THE RIGHT TO INFORMATION ON OFFICIAL DOCUMENTS

Lloji: Ligj

Fletore Zyrtare: nr. 22, datë 1999-07-26

LIGJ

Nr.8503, datë 30.6.1999

PËR TË DREJTËN E INFORMIMIT PËR DOKUMENTET ZYRTARE

Në mbështetje të neneve 23, 17, 78 dhe 83 pika 1 të Kushtetutës, me propozimin e

Këshillit të Ministrave

KUVENDI

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Objekti

Ky ligj rregullon të drejtën e informimit për dokumentet zyrtare.

Neni 2

Përkufizimet

Për qëllimet e këtij ligji termat e mëposhtëm kanë kuptimet si vijon:

a) me “autoritet publik” kuptohet çdo organ i administr atës shtetërore dhe i enteve

publike;

b) me “dokument zyrtar” kuptohet dokumenti i çdo lloji, i mbajtur nga autoriteti publik,

në përputhje me rregullat në fuqi dhe që ka lidhje me ushtrimin e një funksioni publik;

c) me “person” kuptohet çdo person, fizik ose juridik, vendas ose i huaj;

ç) me “publik” kuptohet të paktën edhe një person.

KREU II

E DREJTA E INFORMIMIT DHE DETYRIMET E AUTORITETIT PUBLIK

Neni 3

E drejta e informimit

Çdo person ka të drejtë të kërkojë informacion për dokumentet zyrtare, që kanë të bëjnë

me veprimtarinë e organeve shtetërore dhe të personave që ushtrojnë funksione shtetërore, pa

qenë i detyruar të shpjegojë motivet.

Autoriteti publik është i detyruar të japë çdo informacion në lidhje me një dokument

zyrtar, përveç rasteve kur me ligj parashikohet ndryshe.

Çdo informacion për një dokument zyrtar, që i është dhënë një personi, nuk mund t’i