ON THE PROMOTION AND PROTECTION OF GOAT FARMING

Lloji: Ligj

Fletore Zyrtare: nr. 27, datë 1999-10-22

LIGJ

Nr.8528, datë 23.9.1999

PËR NXITJEN DHE MBROJTJEN E TË USHQYERIT ME GJI

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOSI:

Neni 1

Ky ligji ka për qëllim të nxitë dhe të mbrojë të ushqyerit me gji, si dhe të rregullojë

tregtimin e zëvendësuesve të qumështit të gjirit për të ushqyerit e shëndetshëm të fëmijëve.

Neni 2

Në zbatim të këtij ligji, termat vijues kanë këto kuptime:

a) “Reklama” kuptohet reklamimi me çdo mjet për nxitjen, shitjen ose për konsumin e

prodhimeve të zëvendësuesve të qumështit të gjirit.

b) “Ushqim plotësues” kuptohet çdo ushqim i përshtatshëm, i paraqitur për ushqim shtesë

të qumështit të gjirit, formula për foshnja ose formula pasuese.

c) “Mbajtëse” kuptohet çdo formë paketimi i produktit të përcaktuar për shitje si një njësi

për shitje me pakicë, duke përfshirë edhe ambalazhin.

ç)“Produkt i përcaktuar për shitje” kuptohet :

- Formulë për foshnjat, e cila nënkupton qumështin ose një produkt të ngjashëm me

qumështin, me origjinë shtazore ose bimore, i përgatitur industrialisht, që tregtohet për ushqimin

e foshnjave dhe të fëmijëve të vegjël, nga lindja deri në gjashtë muaj.

- Formulë pasuese, e cila nënkupton qumështin ose një produkt të ngjashëm me

qumështin, me origjinë shtazore ose bimore, i përgatitur industrialisht, që tregtohet si ushqim për