ON SECURITY DEPOSITS

Lloji: Ligj

Fletore Zyrtare: nr. 29, datë 1999-11-22

LIGJ

Nr. 8537, datë 18.10.1999

PËR BARRËT SIGURUESE

Në mbështetje të neneve 78 dhe 83 pika 1 të Kushtetutës, me propozim të Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

KREU I

PËRKUFIZIMET DHE FUSHA E ZBATIMIT TË LIGJIT

Neni 1

Përkufizime

Përkufizimet e përdorura në këtë ligj për qëllime të këtij ligji, kanë kuptimin që u është

dhënë në këtë nen. Numri njëjës i emrave përfshin edhe shumësin dhe anasjelltas, përveç rasteve

kur konteksti e kërkon ndryshe.

Barrë siguruese - është një e drejtë reale mbi pasuri të paprekshme ose pasuri të luajtshme

të prekshme, si të tashme ashtu dhe të ardhme, që siguron një ose më shumë detyrime që kanë

lindur përpara ose pas lidhjes së marrëveshjes siguruese.

Barrë siguruese për çmimin e blerjes - është barra siguruese mbi mallrat, që merret apo

mbahet nga shitësi i tyre për të siguruar të gjithë apo një pjesë të çmimit të tyre të blerjes. Barrë

siguruese për çmimin e blerjes është edhe ajo që merret nga një person që nuk është shitësi, i cili

duke dhënë paradhënie apo duke marrë përsipër një detyrim jep vlerë me qëllim që t’i mundësojë

barrëdhënësit të fitojë pronësinë e kolateralit. Barra siguruese për çmimin e blerjes përfshin të

drejtën e pronësisë së shitësit, qiradhënësit apo porositësit në transaksionet e përshkruara në