ON THE RATIFICATION OF THE “AGREEMENT ON THE CONSOLIDATION OF ALBANIA’S EXTERNAL DEBT, BASED ON THE TERMS OF REFERENCE OF THE PARIS CLUB, OF 22 JULY 1998, BETWEEN THE GOVERNMENT OF THE REPUBLIC OF ALBANIA AND THE GOVERNMENT OF THE ITALIAN REPUBLIC”

Lloji: Ligj

Fletore Zyrtare: nr. 40, datë 2000-12-14

LIGJ

Nr. 8694, datë 23.11.2000

PËR RATIFIKIMIN E “MARRËVESHJES PËR KONSOLIDIMIN E BORXHIT TË JASHTËM TË SHQIPËRISË, NË BAZË TË TERMAVE TË REFERENCËS SË KLUBIT TË PARISIT, TË 22 KORRIKUT 1998, NDËRMJET QEVERISË SË REPUBLIKËS TË SHQIPËRISË DHE QEVERISË SË REPUBLIKËS ITALIANE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e konsolidimit të borxhit të jashtëm të Shqipërisë, në bazë të termave të referencës së Klubit të Parisit, të 22 korrikut 1998, ndërmjet Qeverisë së Republikës të Shqipërisë dhe Qeverisë së Republikës Italiane”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2819, datë 5.12.2000 të Presidentit të Republikës së Shqipërisë, Rexhep Meidani

TERMAT E REFERENCËS

MBI REDUKTIMIN DHE RIORGANIZIMIN E BORXHIT

TË REPUBLIKËS SË SHQIPËRISË

I –A/ HYRJE

Përfaqësuesit e Qeverive të Italisë dhe Federatës Ruse, referuar më poshtë si “Vende Kreditore Pjesëmarrëse”, u takuan në Paris në 22 Korrik 1998. Vëzhgues nga Qeveritë e Australisë, Austrisë, Belgjikës, Kanadasë, Danimarkës, Francës, Gjermanisë, Japonisë, Holandës, Norvegjisë, Spanjës, Suedisë, Zvicrës dhe Britanisë së Madhe e SHBA gjithashtu ndoqën takimin.