ON THE RATIFICATION OF THE “AGREEMENT BETWEEN THE GOVERNMENT OF THE REPUBLIC OF ALBANIA AND THE GOVERNMENT OF THE FRENCH REPUBLIC ON DEBT CONSOLIDATION (BASED ON THE TERMS OF REFERENCE OF THE PARIS CLUB)”

Lloji: Ligj

Fletore Zyrtare: nr. 45, datë 2000-12-31

LIGJ

Nr. 8704, datë 1.12.2000

PËR RATIFIKIMIN E “MARRËVESHJES NDËRMJET QEVERISË SË REPUBLIKËS TË SHQIPËRISË DHE QEVERISË SË REPUBLIKËS FRANCEZE PËR KONSOLIDIMIN E BORXHIT (NË BAZË TË TERMAVE TË REFERENCËS SË “KLUBIT TË PARISIT”)”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Qeverisë së Republikës të Shqipërisë dhe Qeverisë së Republikës Franceze për konsolidimin e borxhit (në bazë të termave të referencës së “Klubit të Parisit”)”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2844, datë 23.12.2000 të Presidentit të Republikës së Shqipërisë, Rexhep Meidani

TERMAT E REFERENCËS

LIDHUR ME KONSOLIDIMIN E BORXHIT TË

REPUBLIKËS SË SHQIPËRISË

I) HYRJE

Përfaqësuesit e Qeverive të Gjermanisë, Austrisë, Francës, Italisë, Japonisë, Hollandës dhe të Federatës Ruse, të quajtura më poshtë "vendet pjesëmarrëse kreditore", kanë vendosur t'i akordojnë Republikës së Shqipërisë një lehtësim të shërbimit të borxhit të jashtëm të këtij vendi, në formën e një diferencimi pagesash.