Për ratifikimin e “Konventës financiare ndërmjet Qeverisë së Republikës të Shqipërisë dhe Mediocredito Centrale, Itali, për financimin e importit të energjisë elektrike”

Lloji: Ligj

Fletore Zyrtare: nr. 47, datë 2002-08-10

LIGJ

Nr. 8923, datë 22.7.2002

PËR RATIFIKIMIN E “KONVENTËS FINANCIARE NDËRMJET QEVERISË SË REPUBLIKËS TË SHQIPËRISË DHE MEDIOCREDITO CENTRALE, ITALI, PËR FINANCIMIN E IMPORTIT TË ENERGJISË ELEKTRIKE”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Konventa financiare ndërmjet Qeverisë së Republikës të Shqipërisë dhe Mediocredito Centrale, Itali, për financimin e importit të energjisë elektrike”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3422, datë 7.8.2002 të Presidentit të Republikës së Shqipërisë, Rexhep Meidani

KONVENTË

FINANCIARE NDËRMJET QEVERISË SË REPUBLIKËS TË SHQIPËRISË DHE MEDIOCREDITO CENTRALE, INSTITUTI QENDROR PËR KREDINË AFATMESME S.P.A.

Në përputhje me nenin 6 të ligjit nr. 49, datë 26.2.1987 të Republikës Italiane ndërmjet:

- Qeverisë së Republikës të Shqipërisë (që tani e tutje i quajtur Huamarrësi), duke vepruar nëpërmjet Ministrisë së Financave, përfaqësuar nga Ministri i Financave z. Kastriot Islami, nga njëra anë; dhe