Për disa shtesa në ligjin nr.8691, datë 16.11.2000 “Për prodhimin dhe tregtimin e duhanit dhe të cigareve”

Lloji: Ligj

Fletore Zyrtare: nr. 83, datë 2002-12-26

LIGJ

Nr.8974, datë 21.11.2002

PËR DISA SHTESA NË LIGJIN NR.8691, DATË 16.11.2000 “PËR PRODHIMIN DHE TREGTIMIN E DUHANIT DHE TË CIGAREVE”

Në mbështetje të neneve 78, 81 pika 1 dhe 83 pika 1 të Kushtetutës, me propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr.8691, datë 16.11.2000 “Për prodhimin dhe tregtimin e duhanit dhe të cigareve” bëhen shtesat si më poshtë:

Neni 1

Në nenin 19 shtohet neni 19/a si më poshtë:

“Produktet e duhanit që tregtohen në Shqipëri duhet të përmbajnë në ambalazh, respektivisht etiketën e tyre, të dhëna për përmbajtjen e katranit dhe nikotinës. Këto të dhëna duhet të maten në bazë të standardeve ndërkombëtare në fuqi.

Të dhënat për katranin dhe nikotinën në paketat e cigareve duhet të shtypen në një faqe anësore të paketës, në gjuhën shqipe, me shkrim të lexueshëm qartë dhe në kontrast me sfondin, në një sipërfaqe që zë jo më pak se 10 për qind të sipërfaqes respektive të faqes anësore të paketës.”

Neni 2

Pas nenit 19/a shtohet neni 19/b si më poshtë:

“Në çdo pako duhani duhet të shkruhet në gjuhën shqipe, në pjesën më të dukshme të tij, paralajmërimi i përgjithshëm “Duhani dëmton rëndë shëndetin”.