Për ratifikimin e Statutit të Romës për Gjykatën Ndërkombëtare Penale

Lloji: Ligj

Fletore Zyrtare: nr. 91, datë 2002-01-23

LIGJ

Nr. 8984, datë 23.12.2002

PËR RATIFIKIMIN E STATUTIT TË ROMËS PËR GJYKATËN NDËRKOMBËTARE

PENALE

Në mbështetje të neneve 81 pika 1, 83 pika 1 dhe 123 pikat 1 dhe 2 të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Ratifikohet “Statuti i Romës për Gjykatën Ndërkombëtare Penale” , bërë në Romë më 17

korrik 1998.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3666, datë 17.1.2003 të Presidentit të Republikës së Shqipërisë,

Alfred Moisiu.

STATUTI I ROMËS

PJESA 1

THEMELIMI I GJYKATËS

Neni 1

Gjykata

Themelohet Gjykata Ndërkombëtare Penale (“Gjykata”). Ajo është një institucion i

përhershëm dhe ka kompetencë të ushtrojë juridiksionin e saj mbi personat në lidhje me krimet më

serioze që janë shqetësim për bashkësinë ndërkombëtare, sipas parashikimit në këtë Statut, dhe është

plotësim i juridiksioneve penale kombëtare. Juridiksioni dhe funksionimi i Gjykatës rregullohet nga

dispozitat e këtij Statuti.

Neni 2

Marrëdhëniet e Gjykatës me Kombet e Bashkuara

Gjykata hyn në marrëdhënie me Kombet e Bashkuara përmes një mar rëveshjeje që aprovohet

nga Asambleja e Shteteve Palë të këtij Statuti dhe përfundohet pastaj nga ana e Kryetarit të Gjykatës

në emër të saj.

Neni 3

Selia e Gjykatës

1. Selia e Gjykatës themelohet në Hagë të Holandës (“Shteti pritës”).