PËR ADERIMIN E REPUBLIKËS SË SHQIPËRISË NË “KONVENTËN PËR THEMELIMIN E ORGANIZATËS BOTËRORE TË PRONËSISË INTELEKTUALE”

Lloji: Ligj

Fletore Zyrtare: nr. 6, datë 2003-02-20

LIGJ

Nr. 8993, datë 30.1.2003

PËR ADERIMIN E REPUBLIKËS SË SHQIPËRISË NË “KONVENTËN PËR THEMELIMIN E ORGANIZATËS BOTËRORE TË PRONËSISË INTELEKTUALE”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën për themelimin e Organizatës Botërore të Pronësisë Intelektuale”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3684 , datë 10.2.2003 të Presidentit të Republikës së Shqipërisë, Alfred Moisiu.

KONVENTA

PËR THEMELIMIN E ORGANIZATËS BOTËRORE TË PRONËSISË INTELEKTUALE

Nënshkruar në Stokholm, më 14 korrik 1967 dhe amenduar më 28 shtator 1979

Palët Kontraktuese:

Duke dëshiruar të kontribuojnë për një mirëkuptim dhe bashkëpunim më të mirë ndërmjet shteteve për përfitimin e tyre reciprok, mbi bazën e respektit për sovranitetin dhe barazinë e tyre;

Duke dëshiruar, me qëllim që të inkurajojnë aktivitetin krijues, për të nxitur mbrojtjen e pronësisë intelektuale në të gjithë botën;

Duke dëshiruar të modernizojnë dhe të bëjnë më shumë efiçent administrimin e Bashkimeve, të themeluar në fushat e mbrojtjes së pronësisë intelektuale dhe mbrojtjen e veprave letrare e artistike, ndërsa duke respektuar plotësisht pavarësinë e secilit nga Bashkimet,

ranë dakord për sa vijon:

Neni 1

Themelimi i Organizatës