PËR RATIFIKIMIN E “PROGRAMIT TË VEPRIMIT RAJONAL “CARDS 2002” NDËRMJET QEVERISË SË REPUBLIKËS TË SHQIPËRISË DHE KOMISIONIT TË KOMUNITETIT EUROPIAN

Lloji: Ligj

Fletore Zyrtare: nr. 13, datë 2003-03-14

L I G J

Nr.9001, datë 6.2.2003

PËR RATIFIKIMIN E “PROGRAMIT TË VEPRIMIT RAJONAL “CARDS 2002” NDËRMJET QEVERISË SË REPUBLIKËS TË SHQIPËRISË DHE KOMISIONIT TË KOMUNITETIT EUROPIAN

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Programi i veprimit rajonal “CARDS 2002” ndërmjet Qeverisë së Republikës të Shqipërisë dhe Komisionit të Komunitetit Europian”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3715, datë 28.2.2003 të Presidentit të Republikës së Shqipërisë, Alfred Moisiu.

PROGRAMI VJETOR I VEPRIMIT CARDS RAJONAL

1. Identifikimi

Forma e Programit: CARDS-i Rajonal – Programi vjetor i veprimit 2002

Vendet përftuese: Shqipëria, Bosnjë-Hercegovina, Kroacia, Republika Federale e Jugosllavisë dhe ish-Republika Jugosllave e Maqedonisë (FYROM).

Buxheti vjetor: 2002

Alokimi financiar: euro 43,5 M

Linja e buxhetit: B7-541

Baza legale: Rregullorja e Këshillit për CARDS-in (EC) nr.2666/2000, amenduar me Rregulloren e Këshillit (EC) nr.2415/2001 në 10 dhjetor 2001.

Kohëzgjatja: Kontratat e financuara nga ky Program hyjnë në fuqi jo më parë se data e zyrtarizimit të marrëveshjes prej njërit nga nënshkruesit kompetentë (një nga vendet e rajonit të Ballkanit) dhe jo më vonë se data 31.12.2005.