PËR MBLEDHJEN E ARMËVE, TË MUNICIONEVE DHE MATERIALEVE TË TJERA LUFTARAKE

Lloji: Ligj

Fletore Zyrtare: nr. 21, datë 2003-03-28

LIGJ

Nr.9018, datë 6.3.2003

PËR MBLEDHJEN E ARMËVE, TË MUNICIONEVE DHE MATERIALEVE TË TJERA

LUFTARAKE

Në mbështetje të neneve 78, 81 pika 1 dhe 83 pika 1 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Objekti i ligjit

Ky ligj ka si objekt dorëzimin vullnetar, regjistrimin dhe mbledhjen e armëve, municioneve

dhe materialeve të tjera luftarake, që mbahen pa leje, si dhe masat shtrënguese që merren për zbatimin

e tij.

Neni 2

Parimet e procesit të mbledhjes së armëve

Procesi i mbledhjes së armëve bë het në përputhje me legjislacio nin në fuqi dhe synon, në

bashkëpunim me shoqërinë civile, donatorët dhe me organizmat ndërkombëtarë, sensibilizimin e

opinionit për krijimin e një shoqërie pa armë dhe dhunë.

KREU II

STRUKTURAT SHTETËRORE PËR MBLEDHJEN

E ARMËVE DHE DETYRAT

Neni 3

Komisioni ndërministror i mbledhjes së armëve

1. Për të realizuar procesin e mbledhjes së armëve në Republikën e Shqipërisë krijohet

komisioni ndërministror i mbledhjes së armëve me këtë përbërje:

- Zëvendëskryeministri- Kryetar

- Ministri i Rendit Publik - Zëvendëskryetar

- Ministri i Drejtësisë- anëtar

- Ministri i Mbrojtjes- anëtar

- Ministri i Pushtetit Vendor dhe Decentralizimit - anëtar

- Kryetari i SHISH-it- anëtar