Për aderimin e Republikës së Shqipërisë në “Konventën për statusin e personave pa shtetësi”

Lloji: Ligj

Fletore Zyrtare: nr. 41, datë 2003-05-27

LIGJ

Nr.9057, datë 24.4.2003

PËR ADERIMIN E REPUBLIKËS SË SHQIPËRISË NË “KONVENTËN PËR STATUSIN E PERSONAVE PA SHTETËSI”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën për statusin e personave pa shtetësi”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3813, datë 8.5.2003 të Presidentit të Republikës së Shqipërisë, Alfred Moisiu

KONVENTA

LIDHUR ME STATUSIN E PERSONAVE PA SHTETËSI

Bërë në New York më 28 shtator 1954

Hyrja në fuqi: 6 qershor 1960 në përputhje me nenin 39

Teksti: Seritë e traktateve të OKB-së, nr.5158, Vol. 360, fq.117

HYRJE

Palët e larta Kontraktuese:

duke konsideruar që Karta e Kombeve të Bashkuara dhe Deklarata Universale e të Drejtave të Njeriut miratuar më 10 dhjetor 1948 nga Asambleja e Përgjithshme e Kombeve të Bashkuara ka pohuar parimin që qeniet njerëzore gëzojnë të drejtat dhe liritë themelore pa diskriminim;

duke konsideruar që Kombet e Bashkuara kanë treguar në raste të ndryshme shqetësimin e tyre të thellë për personat pa shtetësi dhe janë përpjekur t'u sigurojnë personave pa shtetësi ushtrimin më të gjerë të mundshëm të këtyre të drejtave dhe lirive themelore;