PËR NJË SHTESË DHE NDRYSHIM NË LIGJIN NR.8894, DATË 14.5.2002,

Lloji: Ligj

Fletore Zyrtare: nr. 64, datë 2003-08-04

2845

LIGJ

Nr.9099, datë 3.7.2003

PËR NJË SHTESË DHE NDRYSHIM NË LIGJIN NR.8894, DATË 14.5.2002,

“PËR AGJENCINË E TRAJTIMIT TË KREDIVE”

Në mbështetje të neneve 78 dhe 83 pikat 1 dhe 2 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Në ligjin nr.8894, datë 14.5.2002 “Për Agjencinë e Trajtimit të Kredive” bëhet kjo shtesë dhe

ky ndryshim:

Neni 1

Në nenin 1 shtohet fjalia e dytë me këtë përmbajtje:

“Agjencia e Trajtimit të Kredive, në përputhje me përcaktimet e bëra në këtë ligj, trajton edhe

portofolin e investimeve të kryera në banesa nga shoqëria INSIG sha.”.

Neni 2

Fjalia e fundit e pikës 2 të nenit 23 riformulohet si më poshtë:

“Këto kërkesa i kalojnë Ministrisë së Financave, e cila, pas përfundimit të afatit të

veprimtarisë së Agjencisë së Trajtimit të Kredive, i propozon Këshillit të Ministrave mënyrën e

menaxhimit të pjesës së mbetur.”.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekret nr.3913, datë 30.7.2003 të Presidentit të Republikës së Shqipërisë,

Alfred Moisiu